เอวเมว นโร ปาปํ โถกํ โถกมฺปิ อาจินํ
อติภารํ สมาธาย นิรเยว นิมุชฺชติ
ตสฺมา กิญฺจิ อิมํ นาวํ สิตฺตา เต ลหุเมสฺสติ
สุติตฺถํ ปรโต ปารํ นิพฺพานสฺสานุปาทิกนฺติ ฯ
กลฺโลสิ ภนฺเต นาคเสนาติ ฯ

วสฺสสตปญฺโห ทุติโย ฯ

ราชา อาห ภนฺเต นาคเสน กึ ตุมฺเห อตีตสฺส ทุกฺขสฺส ปหานาย
วายมถาติ ฯ เถโร อาห น หิ มหาราชาติ ฯ กึ ปน ภนฺเต อนาคตสฺส ทุกฺขสฺส
ปหานาย วายมถาติ ฯ น หิ มหาราชาติ ฯ กึ ปน ภนฺเต ปจฺปจุปฺปนฺนสฺส ทุกฺขสฺส
ปหานาย วายมถาติ ฯ น หิ มหาราชาติ ฯ ยทิ ตุมฺเห ภนฺเต น อตีตสฺส ทุกฺขสฺส
ปหานาย วายมถ น อนาคตสฺส ทุกฺขสฺส ปหานาย วายมถ น ปจฺจุปฺปนฺนสฺส ทุกฺขสฺส
ปหานาย วายมถ อถ กิมตฺถาย วายมถาติ ฯ เถโร อาห กินฺติ มหาราช อิทญฺจ
ทุกฺขํ นิรุชฺเฌยฺย อญฺญญฺจ ทุกฺขํ น อุปฺปชฺเชยฺย เอตทตฺถาย วายาโมติ ฯ อตฺถิ ปน
ภนฺเต นาคเสน อนาคตํ ทุกฺขนฺติ ฯ อาม มหาราชาติ ฯ ตุมฺเห โข ภนฺเต นาคเสน
อติปณฺฑิตา เย ตุมฺเห อสนฺตานํ ปหาย วายมาติ ฯ อตฺถิ ปน โว มหาราช เกจิ
ปฏิราชาโน ปจฺจตฺถิกา ปจฺจามิตฺตา ปจฺจุปฏฺฐตาติ ฯ อาม ภนฺเต อตฺถีติ ฯ กึ นุ
โข มหาราช ตทา ปริกฺขํ ขณาเปยฺยาถ ปาการํ การาเปยฺยาถ โคปุรํ การาเปยฺยาถ
อทฺทาลกํ การาเปยฺยาถ ธญฺญํ อติหราเปยฺยาถาติ ฯ น หิ ภนฺเต ปฏิกจฺเจว ปฏิยตฺตํ
โหตีติ ฯ กึ ตุมฺเห มหาราช ตทา หตฺถํ สิกฺขาเปยฺยาถ อสฺเส สิกฺขาเปยฺยาถ รเถ
สิกฺขาเปยฺยาถ ธนู สิกฺขาเปยฺยาถ ถรู สิกฺขาเปยฺยาถ กึ ตฺวํ มหาราช ตทา หตฺถิสฺมึ
สิกฺขาเปยฺยาสิ อสฺสสฺมึ สิกฺขาเปยฺยาสิ รถสฺมึ สิกฺขาเปยฺยาสิ ธนุสฺมึ สิกฺขาเปยฺยาสิ ถรุสฺมึ
สิกฺขาเปยฺยาสีติ ฯ น หิ ภนฺเต ปฏิกจฺเจว ตํ สิกฺขิตํ โหตีติ ฯ กิสฺสติถายาติ ฯ
อนาคตานํ ภยานํ ปฏิพาหนตฺถายาติ ฯ อตฺถิ มหาราช อนาคตภยนฺติ ฯ อตฺถิ
ภนฺเตติ ฯ ตุมฺเห โข มหาราช อติปณฺฑิตา เย ตุมฺเห อนาคตภยานํ ปหานาย
ปฏิยาเทถาติ ฯ ภิยฺโย อุปมํ กโรหีติ ฯ ตํ กึ มญฺญสิ มหาราช ยทา ติวํ ปิปาสิโต
ภเวยฺยาสิ ตทา ตฺวํ อุทกฏฺฐานํ ขณาเปยฺยาสิ โปกฺขรณึ ขณาเปยฺยาสิ ตฬากํ
ขณาเปยฺยาสิ ปานียํ ปิวิสฺสามีติ ฯ น หิ ภนฺเต ปฏิกจฺเจว ตํ ปฏิยตฺตํ โหตีติ ฯ